Bakı şəhərinin mərkəzi meydanında bu gün “müəmmalı” taxta qutular peyda olub. Milli.Az xəbər verir ki, Fəvvarələr meydanındakı qutuların quraşdırılmasına dünən gecədən başlanıb. Xırda piştaxtaları xatırladan qutuların hansı məqsədlə quraşdırılmasını iş icraçılarından öyrəndik. İş icraçıları Milli.Az-a bildirdilər ki, aparılan işlər Yeni il ilə bağlıdır. Həmin ərazidə yolka yarmarkası təşkil olunacaq. Taxtadan hazırlanmış yerlərdə Yeni ilə aid əşyalar satılacaq. Səbail Rayon İcra hakimiyyətindən isə Milli.Az-a bildirildi ki, həmin ərazidə kitab sərgisi keçriləcək.
Mənbə: Milli.Az