İngiltərənin York şəhərində yaşayan Linda Uaythedin ailəsindəki it küçükləyəndə o, məşhurlaşacağını bilmirdi. Amma indi Patç adlı küçük özü məşhurlaşmaqla yanaşı, yaşadığı ailəni internetdə və xüsusilə də Britaniya mediasında populyarlaşdırıb.Milli.Az Daily Mail-ə istinadən bildirir ki, Patç zahirən faşist Almaniyanın füreri Adolf Hitlerə bənzəyir. "Gülməli vəziyyət yaranıb. Kimsə Patçı öz adı ilə çağırmır. Ona gah "Adolf", gah da "Hitler" deyirlər. Bu xoşuma gəlmir təbii ki. Küçüyümün murdar diktatora bənzədilməsini istəmirəm", - Linda Uaythed söyləyib.Fransız buldoqu və şi-tsu cinslərinin qarışığı olan Patç iki qardaşı ilə birlikdə oynayanda adi küçükdür. Lakin o, kameraya baxanda sanki "dördayaqlı Hitler"dir. Patçın atası, şit-tsu olan Teddi və anası, fransız buldoqu olan Betti miss Uaythedin qızı Kolerə məxsusdur. Patçın özünə isə indi Klerin 17 yaşlı oğlu Den sahib çıxmaq istəyir.
Mənbə: Milli.AZ