Çində çəkisi 6,181 kq olan uşaq doğulub. Oğlanın anası onu doğulandan az sonra süd, yumurta və meyvə ilə yemləməyə başlayıb. Milli.Az Daily Mail-ə istinadən bildirir ki, Çinin Şanxay şəhərindəki xəstəxanalardan birində dünyaya gələn bu oğlan "Səmaaltı İmperiya"da doğulan orta statistik uşaqlardan iki dəfə ağırdır. Körpə qeysəriyyə kəsimi əməliyyatı vasitəsilə dünyaya gətirilib. Həkimlərin dediklərinə görə, uşağın çəkisinin belə çox olmasının səbəbləri onun anasının hamiləlik dövründə çox yeməsi və günün əksər hissəsini yataqda keçirməsi ilə bağlı ola bilər. Uşağın çəkisi normaya salınmazsa, onun yaşı artdıqca piylənmə və şəkərli diabetə mübtəla olma riski də çoxalacaq. Fudan Universitetinin nəzdindəki xəstəxananın mamaçalıq və ginekologiya bölməsinin həkimi Syuy Çanın söhzlərinə görə, ana ilə uşağın sağlıq durumları normaldır. Ana isə çox yediyini danır: "Hamilə olanda gündə cəmi bir stəkan süd içir, bir yumurta yeyirdim. Amma çoxlu meyvə yeyirdim".
Mənbə: Milli.Az