Rusiyanın Kazan şəhərində Şaxta Babaların paradı keçirilib. Milli.Az Anspress-ə istinadən bildirir ki, bayram şəhərin mərkəzi küçəsində başlayıb və bütün şəhəri əhatə edib. Burada Qış Baba, Qar Qızı, Rusiya Şaxta Babası, Tol Babay, Belarusiya Şaxta Babası, Yamal İri, Pakkayne və başqa personajlar iştirak ediblər.
Şaxta Babaları şəhərin böyük və balaca sakinləri müşayiət ediblər. Bütün personajlar parlaq rəngli kostyumlar geyiniblər. Əhali yaxınlaşaraq onlarla şəkil çəkdirib və əyləniblər. Uşaqlar Şaxta Babalara öz istək və arzularını yazdıqları məktublar veriblər.
Mənbə: Milli.Az