Rabitə və İnformasiya Texnologiyaları Nazirliyinin (RİTN) “Azərmarka” şirkəti “Hirkan milli parkı” marka seriyasını təqdim edib. Milli.Az Anspress-ə istinadən bildirir ki, təqdim olunan 2 seriyanın hər birində 4 marka təsvir olunub. Birinci seriyada yer alan, “İri ağacdələn” şəklinin təsvir olunduğu markanın nominal dəyəri 20 qəpik, “Qara leylək” 30 qəpik, “Qıvrımlələk qutan” 50 qəpik, “Mərmər cücə” markası isə 60 qəpik təşkil edir. İkinci seriyadakı “Xallı maral” təsvirinin yer aldığı markanın nominal dəyəri 20, “Cüyür” 30, “Adi vaşaq” 50, “Daş dələsi” markası isə 60 qəpiyə bərabərdir. Markaların üzərində adlar Azərbaycan dili ilə yanaşı, ingilis dilində də qeyd olunub.
Mənbə: Milli.Az