Hacıqabul-Bəhramtəpə avtomobil yolunun 72,5 kilometrlik hissəsində işlər davam etdirilir.Nəqliyyat Nazirliyi "Azəryolservis" ASC-nin mətbuat xidmətindən Trend-ə verilən məlumata görə, bu günə qədər yolun 52,5 kilometrlik hissəsinə 2 qat asfalt-beton örtük döşənib. Demək olar ki, yol boyu torpaq işləri və boruların tikintisi başa çatdırılıb, 8 körpüdən 6-da isə işlər tamamlanmaq üzrədir.Hazırda 2 körpünün tikintisi ilə yanaşı, yolun digər sahələrində əsasın alt layı, hamarlayıcı qatın və asfalt-beton örtüyünün salınması işləri gedir.Qeyd edək ki, bu il avqustun 29-da Prezident İlham Əliyevin iştirakı ilə Hacıqabul-Bəhramtəpə avtomobil yolunun 50 km-lik Hacıqabul-Sabirabad hissəsinin açılış mərasimi keçirilib.
Mənbə: Trend.Az