Bu gün Avropa Şurasının (AŞ) üzv ölkələrinin media və informasiya nazirləri Avropada ifadə azadlığının müdafiəsinin təkmilləşdirilməsi məsələlərini müzakirə etmək üçün Belqradda toplaşıblar. Bu barədə Trend AŞ-nin rəsmi saytına istinadən məlumat verir.Məlumatda qeyd olunur ki, noyabrın 8-dək davam edəcək konfransda jurnalistlərə qarşı zorakılıq və hədə-qorxu, onların hüquqlarının pozulması və digər məsələlər müzakirə olunur.Avropa Şurasının Serbiyanın Mədəniyyət və İnformasiya Nazirliyi ilə birgə təşkil etdiyi "Rəqəmsal dövrdə ifadə və demokratiya azadlığı: imkanlar, hüquqlar, vəzifələr" mövzusunda keçirilən konfransda Azərbaycan da təmsil olunur.Konfransın son günü nazirlərin ifadə azadlığı sahəsində AŞ-nin sonrakı fəaliyyətini nəzərdə tutan bir neçə qətnamə və siyasi bəyannamə qəbul edəcəyi gözlənilir.
Mənbə: Trend.Az