Milli.Az Kanal S-ə istinadən xəbər verir ki, bayram tədbirində Milli Məclisin deputatları, bir sıra xarici ölkələrin Azərbaycandakı səfirləri, beynəlxalq təşkilatların nümayəndələri, xarici və yerli qonaqlar, eləcə də Azərbaycan, Türkiyə və Rusiyanın aparıcı KİV-lərinin nümayəndələri iştirak ediblər. Festivalda nara həsr olunan şeir və mahnılar səsləndirilib.Qonaqlar nar sərgisində rayonun 32 kəndində narçılıqla məşğul olan insanların yetişdirdiyi müxtəlif sort nardan hazırlanan məhsulların dadına baxıb, yerli müəssisələrdə istehsal edilən şirələrin keyfiyyəti ilə maraqlanıblar. İdmançıların, bədii özfəaliyyət kollektivlərinin çıxışları bayram iştirakçılarının alqışları ilə qarşılanıb. Qonaqlara bayram münasibətilə hazırlanan milli xörəklər, şirniyyat və nar şirələri göyçaylılara məxsus qonaqpərvərliklə təqdim olunub. Qonaqlar bayramın keçirilməsindən razı qaldıqlarını bildiriblər. Nar festvalında iki ənənəvi yarış keçirilib. Belə ki, gənclər arasında naryemə və narsıxma yarışı maraqla izlənilib. Qaliblərə rayon rəhbərliyi tərəfindən pul mükafatı verilib.
Mənbə: Milli.Az