Sabah Azərbaycanın dağlıq ərazilərinə yağış yağacaq. Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova Trend-ə bildirib ki, noyabrın 2-də Bakıda və Abşeron yarımadasında hava dəyişkən buludlu olacaq, arabir tutulacaq. Hava əsasən yağmursuz keçəcək. Şimal küləyi gündüz cənub küləyi ilə əvəz olunacaq. Bakıda və Abşeron yarımadasında havanın temperaturunun gecə 8-11, gündüz 15-18 dərəcə isti olacağı gözlənilir. Noyabrın 2-də Azərbaycanın rayonlarında, əsasən dağlıq və dağətəyi rayonlarda yağış yağacağı gözlənilir. Qərb küləyi əsəcək. Havanın temperaturunun gecə 6-11, gündüz 15-20, dağlarda gecə 1-6, gündüz 8-13 dərəcə isti olacağı ehtimalı var.                                

Mənbə: Trend.Az