Britaniyalı yoqa təlimatçısı Cilli Conson "itlə yoqa" adlı yeni təmrinlər kompleksi hazırlayıb.Milli.Az Daily Mail-ə istinadən bildirir ki, o, alman doqu cinsindən olan Hüqo ilə məşq etməyi çox sevdiyini deyir.Hüqo ilə birlikdə yoqa ilə məşğul olarkən adi hərəkətlərin fərqli formada yerinə yetirilməsinin orqanizmin fiziki və mənəvi durumuna müsbət təsir etdiyini vurğulayan Cilli Consonun sözlərinə görə, iti ilə məşq etməyə başlayandan sonra onun yoqa kursunda olan qadınlar da itlərini salona gətiriblər."Hüqonu çox sevirəm. Ona böyük divan, Swarovski büllur qaşlarla bəzənmiş xalta almışam. Deyəsən, Hüqo da yoqa ilə məşğul olmaqdan həzz alır", - Conson deyib.
Mənbə: Milli.Az