Milli.Az Regional TV-yə istinadən xəbər verir ki, Quba Mərkəzləşdirilmiş Kitabxana sisteminin kitab fondu 608 min 28 nüsxə təşkil edir. 5849 kitab isə bu ilin 9 ayında kitabxanaya gətirilib.Bununla bərabər, mədəniyyət ocağına ötən ay prezident İlham Əliyevin sərəncamı ilə “Dünya ədəbiyyatının görkəmli nümayəndələrinin əsərlərindən ibarət dünya ədəbiyyatı seriyasında nəşr olunan 112 adda 5040 ədəd 150 cildlik yeni kitab da bağışlanıb.Kitabxanada oxucu sayı 21 minə yaxındır. Oxucular daha çox yerli ədəbiyyata üstünlük verirlər. Mədəniyyət ocağına müraciət edənlərin əksəriyyətini isə məktəblilər və tələbələr təşkil edirlər.Ümumilikdə rayonda 1 mərkəzi, 1 şəhər, 89 kənd-qəsəbə olmaqla 91 kitabxana fəaliyyət göstərir.
Mənbə: Milli.Az