Bu gün günorta saatlarında İranın Mərkəzi vilayətində zəlzələ baş verib. APA-nın Tehran Universiteti Geofizika İnstitutu Seysmoloji Xidmət Mərkəzinin saytına istinadən verdiyi məlumata görə, təbii fəlakətin episentri İranın Mərkəzi vilayətinin Nobaran bölgəsinə təsadüf edib.4,7 bal gücündə olan zəlzələ oktyabrın 16-da Bakı vaxtı ilə günorta saat 12:49-də (Tehran vaxtı ilə 12:19-da) yerin 2 km dərinliyində qeydə alınıb. Təbii fəlakət Nobarandan 15 km, Qarqdan 17 km, Razəqandan 18 km və Tehrandan 154 km uzaqlıqda baş verib. Dağıntı və tələfat barədə məlumat yoxdur.
Mənbə: Milli.Az