Milli.Az AzərTAc-a istinadən işgüzar adamlar üçün oktyabrın 14-dən 20-dək olan Britaniya ulduz falını təqdim edir.
QOÇLAR bu həftə məqsədə çatmaq üçün çox işləməlidirlər. Əlinizdəki imkanlardan səmərəli istifadə etməyə çalışın. Ambisiyalarınızı cilovlamayın, xırda-para çətinliklərə əhəmiyyət verməyin. Ezamiyyət maraqlı təəssüratlarla zəngin olacaqdır. İmtina etməyin.
BUĞALAR uzunmüddətli biznes-planlar qurmaqla bərabər, müxtəlif işlərlə məşğul olacaqlar. İşgüzar tərəfdaşlarla danışıqlara, qarşılıqlı faydalı əməkdaşlıq məsələlərinə daha çox vaxt ayırmalısınız. Qısamüddətli investisiyalar elə bir divident gətirməyəcəkdir. İş yerində sevgi macərası problemlər yaradacaqdır.
ƏKİZLƏR, çox güman, maliyyələşdirilməsi yarımçıq qalmış layihələrlə məşğul olacaqlar. Diqqətinizi əsas məsələ üzərində cəmləyin, amma problemləri həll etmək üçün dolayı yollar axtarın. Həftə sonu mütləq imkan tapıb dincəlin. Sağlamlığın qayğısına qalın, çünki işləmək üçün güclü olmalısınız. Sağlam ruh da yalnız sağlam bədəndə olur.
XƏRÇƏNGLƏRİ bu həftə gözlənilməz qazanc gözləyir. Əvvəlcə həmin vəsaiti hara yatırtmaq barədə düşünəcəksiniz. Tələsməyin. Yeni və sərfəli layihəyə başlamaq üçün tezliklə pula ehtiyacınız olacaq. İşlərinizi düzgün qura bilsəniz, vaxt qıtlığından əziyyət çəkməyəcəksiniz.
ŞİRLƏRİN işlərindəki qarmaqarışıqlıq onların gündəlik qayğılarını daha da artıracaqdır. Ruhdan düşməyin, müdrik və tədbirli olun. Vəziyyəti yaxşı-yaxşı təhlil edin və müdafiə strategiyası seçin. Uğursuzluqlar həmkarlarınızdan birinin işi ola bilər. Onu axtarıb tapmağa çalışın.
QIZLAR üçün bu həftə işdəki köhnə münaqişələri yoluna qoymaq üçün əlverişli olacaqdır. Həmkarların mehriban münasibəti işdə müsbət nəticələrə nail olmağa kömək edəcəkdir. Başqalarının ehtiyaclarına həssas yanaşın. Səmimi və mehriban olun.
TƏRƏZİLƏR zəhmətlərinə verilən qiymətdən narazı qalacaqlar. Sizə elə gələcək ki, mükafat verilərkən hüquqlarınız pozulmuşdur. İnciməyin, rəhbərliyə şikayət etməyin mənası yoxdur. Bu işdən qalmaqal qoxusu gəlir.
ƏQRƏBLƏRİN başı işə elə qarışacaq ki, hətta istirahət günləri belə dincələ bilməyəcəklər. Bu həftə heç bir vədə inanmayın. Bir işi bitirməmiş başqasının qulpundan yapışmayın. Məsuliyyət hissiniz işlərinizi sona çatdırmağa kömək edəcəkdir.
OXATANLARIN karyera məsələləri ön plana çıxacaqdır. Səyləriniz rəhbərliyin diqqətindən yayınmayacaqdır. Qərar qəbul etməmişdən əvvəl hədəfinizi düzgün seçməyə çalışın. Gördüyünüz işə kənar şəxsin gözü ilə baxmağa çalışın.
OĞLAQLARI bu həftə çoxlu danışıq və görüşlər gözləyir. Onların heç də hamısı hamar keçməyəcəkdir. Gücünüzə qənaət edin. Heç gözləmədiyiniz halda tərəfdaşlarla münasibətləriniz korlana bilər. Müxtəlif yerlərə parçalanmayın. Həftə sonu vəziyyət düzələcəkdir.
Qətiyyətsizlik DOLÇALARA baha başa gələcək. Baltanı kökündən vurmayın, çünki mütləq bir qərara gəlməlisiniz. Bahalı şeylər almağa tələsməyin. Pullarınızı havaya sovurmaq ehtimalı yüksəkdir.
BALIQLAR bizneslərini genişləndirmək üçün çırpınacaqlar. Ulduzlar çox uzağa getməməyi, göz qabağında olanlara diqqət yetirməyi məsləhət görür. Hadisələrə real yanaşın. İllüziyaya qapılmayın, xam xəyallar da qurmayın. Planlarınızı dostlarınızla müzakirə edin, tənqidə görə qanınızı qaraltmayın.
Mənbə: Milli.Az