Bu il 12 minə yaxın çinli müsəlman Həcc ziyarətini başa vuracaq.Milli.Az "Zaman Azərbaycan"a istinadən bildirir ki, Çin Xalq Respublikasından (ÇXR) olan təxminən 11800 müsəlman Həcc ziyarətini yerinə yetirəcək. Məlumatı ÇXR-nın Dini İşlər üzrə Dövlət Administrasiyası yayıb.Məlumata əsasən, ölkənin əsasən Xubey, Cianqsu, Quandonq, Xeylonqcianq vilayətlərindən, Ninsia Xuy, Sincan Uyğur və Daxili Monqolustan Muxtar rayonlarından olan zəvvarlar 38 çarter reysi vasitəsi ilə Səudiyyə Ərəbistanına yola düşüblər.Çin hökuməti zəvvarların sağlamlıqla bağlı ortaya çıxacaq məsələlərinin həlli üçün Səudiyyə Ərəbistanına xüsusi səhiyyə briqadası da göndərib.Qeyd edək ki, Çində müxtəlif etnik qrupları təmsil edən ümumilikdə 30 milyona yaxın müsəlman var. Ölkədə 23 mindən çox məscid fəaliyyət göstərir. Bəzi məscidlərin tarixi hətta 7-ci əsrə aiddir.
Mənbə: Milli.Az