İranda qadın şəkillərindən reklam məqsədilə istifadə etmək qadağan edilib. Anspress-in İran mətbuatına istinadən verdiyi xəbərə görə, İran İslami Mədəniyyət Nazirliyi məhsul və xidmət reklamlarında qadın şəkillərindən istifadə edilməsini qadağan edib. Məlumata əsasən, nazirlik tərəfindən Tehran Mətbəçilər Birliyinə göndərilən ərizədə bütün mətbəə işçilərindən çap etdikləri reklamlarda qadın şəkillərindən istifadə etməməyi istəyib.
“Qadın şəkillərinin hər hansı məqsədlə istifadə edilməsinin qanunlara zidd olduğu” bildirilib. Nazirlik bundan əvvəl xarici mifoloji və cizgi film obrazlarının da reklamlarda istifadə edilməsini qadağan edib.
Mənbə: Milli.Az