Sonra “Ziqsaq” əyləncəli buraxılışı Sədaqət Məmmədzadə və Ziyanur Cabbarovun təqdimatında tamaşaçıların görüşünə gəlib. Həm balacalar, həm də böyükləri əyləndirməyi qarşısına məqsəd qoyan proqram ilk buraxılışında öz istəyinə nail ola bilib. “Kanal S”in tamaşaçılarına yaxşı tanış olan "Yaşamaq gözəldir" layihəsinə növbəti mövsümdə də efir payı ayrılıb. Bu mövsüm də “Yaşamaq gözəldir” verilişi yeni əhval-ruhiyyədə yenə tamaşaçılarının görüşünə gəlib.
Bir sözlə, "Kanal S"in bütün əməkdaşları yeni mövsümdə tamaşaçıların zövqünü oxşamaq üçün öz iradəsini ortaya qoyublar və bu zəhmətin bəhrəsi elə ilk gündən özünü büruzə verib. Tamaşaçıların qarşısına tam hazırlıqlı çıxmaq üçün səylərini uzun müddətdir davam etdirən "Kanal S" əməkdaşlarının sonuncu günü daha gərgin keçib. Bütün bu gərginliyə baxmayaraq hər kəs tamaşaçılara möhtəşəm proqramlar təqdim etmək üçün çox böyük həvəslə çalışıb. Həmişə öz yenilikləri ilə təəccübləndirməyi bacaran "Kanal S" bu dəfə də öz ənənəsinə sadiq qalaraq izləyicilərinin maraq və tələbatını nəzərə almaqla 24 saat ərzində tamaşaçılarının görüşünə gələcək.
Mənbə: Milli.Az