Bakı – APA. Türkiyənin “Qalatasaray” klubu italiyalı baş məşqçi Roberto Mançini ilə danışıqlara başlandığını rəsmən açıqlayıb. APA-nın xəbərinə görə, R. Mançini sentyabrın 29-da “Qalatasaray” rəhbərliyinin dəvəti ilə Türkiyəyə gedib. Hazırda İstanbulda olan R. Mançini ilə rəsmi müqavilənin bu gün imzalanması gözlənilir. Xatırladaq ki, Fateh Terim ötən həftə “Qalatasaray”ın baş məşqçisi vəzifəsindən uzaqlaşdırılıb. Buna F. Terimin “Qalatasaray”la müqaviləsini uzatmaqdan imtina etməsi və klub prezidentinə qarşı hörmətsizlik nümayiş etdirməsi səbəb olub.
Mənbə: Milli.Az