Londonun mərkəzində turistləri daşıyan amfibiya avtobus yanıb, 7 nəfər yaralanıb, iki nəfər xəstəxanaya çatdırılıb.Milli.Az RİA Novosti-yə istinadən bildirir ki, yanğın avtobus suya düşərkən başlayıb. Onun göyərtəsində 30 nəfərədək adam olub. Turistlər Temzaya tullanmalı olublar. Yaxınlıqdakı digər gəmilərin heyəti onları sudan çıxarıb. "Xoşbəxtlikdən, kimsə ciddi xəsarət almadı. Əlbəttə ki, insanlar donublar, yaşdırlar və şokdadırlar", - hadisə yerinə gəlmiş yanğın briqadasının üzvü jurnalistlərə deyib. O, əlavə edib ki, yanğının səbəbləri artıq müəyyənləşdirilir və 7 nəfər tüstüdən zəhərləndiyini bildirib.
Mənbə: Mlli.Az