Beynəlxalq Qırmızı Xaç Komitəsi müharibələrə həsr olunmuş kompüter oyunlarının yaradıcılarından xahiş edib ki, oyun qaydalarına müharibə, döyüş qaydaları normaları haqda Cenevrə Konvensiyasını əlavə etsinlər.
Milli.Az İnterfax-a istinadən bildirir ki, bu barədə BBC radiosu məlumat yayıb.
Təşkilatın nümayəndələrinin sözlərinə görə, bir çox döyüş oyunlarının qaydaları təcavüzkarlığı təqdir edir, o dərəcəyə çatır ki, oyunçulara hərbi cinayət törətməyə - dinc əhalini qırmağa və işgəncə verməyə icazə verir.
Kompüter oyunu istehsalı şirkətlərindən biri Bohemia Interactive Studio-nun nümayəndəsi BBC-yə bildirib ki, studiya artıq Qırmızı Xaç Komitəsinin təklifini qəbul edib
Mənbə: Milli.az