Qadin.NET / İran Parlamentində Xocalı soyqırımı məsələsi müzakirəyə çıxarılacaq

İran Parlamentində Xocalı soyqırımı məsələsi müzakirəyə çıxarılacaq

 

Trend-in məlumatına görə, İran İslam Respublikası İslam Şurası Məclisinin Milli təhlükəsizlik və xarici siyasət komissiyasının üzvü Cavad Cahangirzadəçərşənbə günü Bakıda keçirdiyi brifinqdə bildirib ki, səfər zamanı Xocalı şəhidləri və faciəsi ilə bağlı müzakirə aparılıb: "Razılaşdırıldı ki, iki ölkənin parlamentlərinin dostluq qrupları müştərək şəkildə məktub hazırlasınlar və İran parlamentinə ünvanlasınlar. Bununla da İran parlamenti Xocalı şəhidləri haqda öz mövqeyini bildirsin. İran öz dövlətini və müstəqilliyini qorumaq üçün çoxlu şəhidlər verib. Azərbaycan xalqının dərdlərinə şərikik və bunu hiss edirik. İran və Azərbaycan arasındakı sərhədlərinin sülh və təhlükəsizlik sərhədləri olmasına görə sevinirik". Deputat deyib ki, Dağlıq Qarabağ mövzusu İran İslam Respublikasının həssaslıqla yanaşdığı bir münaqişədir: "İranın fikrincə, regional münaqişələrin həllində hər cür kənar müdaxilənin olması düzgün deyil".
Mənbə: Milli.Az
25 sentyabr 2013
GO BACK