Sabah Azərbaycanda havanın temperaturu ötən günlə müqayisədə bir neçə dərəcə yüksələcək. Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosundan Simsar.az-a verilən məlumata görə, sentyabrın 23-dən 24-ə keçən gecə Bakıda və Abşeron yarımadasının bəzi yerlərində qısamüddətli yağış yağacağı, səhər kəsiləcəyi gözlənilir. Sentyabrın 24-də hava gün ərzində dəyişkən buludlu, əsasən yağmursuz olacaq. Mülayim cənub-qərb küləyi əsəcək. Bakıda və Abşeron yarımadasında havanın temperaturunun gecə 17-20, gündüz 23-28 dərəcə isti olacağı gözlənilir. Azərbaycanın rayonlarında sentyabrın 23-dən 24-ə keçən gecə bəzi yerlərdə yağış yağacağı gözlənilir. Hava gün ərzində əsasən yağmursuz olacaq. Mülayim qərb küləyi əsəcək. Havanın temperaturunun gecə 15-19, gündüz 24-29, dağlarda gecə 5-10, gündüz 13-18 dərəcə isti olacağı ehtimalı var.
Mənbə: Simsar.Az