Kamçatkanın şimalındakı Şiveluça vulkanı püskürüb. Milli.Az Rusiya mətbuatına istinadən xəbər verir ki, kül 5,5 km hündürlüyə qalxıb.
Vulkanın püskürdüyü kül 30 km cənub-şərqdə Ust-Kamçatsk rayonuna yayılıb. Kül yağışının yaşayış bölgələrinə düşməsi müşahidə olunmayıb.
Yaşayış məntəqələri üçün təhlükə yoxdur.
Bütün turizm şirkətləri təhlükə barəsində xəbərdar edilib. Onlara Şiveluç vulakanına turist aparmamaq tapşırılıb.
Qeyd edək ki, dəniz səviyyəsindən 3,3 km hündürlükdə yerləşən vulkanın aktivləşməsi 2009-cu ildən başlayıb.
Mənbə:Milli.az