İndoneziyanın “PT Pindad” şirkəti Azərbaycana birgə avtomat silahların istehsalını təklif edib.
Bu barədə APA-ya “PT Pindad” şirkətindən məlumat verilib.
Şirkət SS-2 avtomat tüfənginin birgə istehsalı təklifi ilə cari ilin əvvəlində, Bakıya səfər zamanı çıxış edib. Azərbaycan tərəfi bu təklifə baxıla biləcəyini bildirib.
Yeni nəsil hücum tüfənglərindən sayılan SS-2 avtomatının 5.56x45 mm çaplı 3 fərqli modifikasiyası mövcuddur.
İndoneziya müdafiə sənayesinin əsas qurumlarından olan “PT Pindad” müxtəlif hərbi nəqliyyat vasitələri, döyüş maşınları, sursatlar, müxtəlif çaplı silahlar istehsal edir. Şirkətin istehsal etdiyi SS-1 və SS-2 avtomat tüfəngləri hazırda İndoneziya ordusu ilə yanaşı bir neçə ölkənin silahlanmasında yer alır.
Mənbə: Lent.az