Həftənin ilk iş günündə havanın dəyişkən buludlu, yağmursuz keçəcəyi gözlənilir
Ekologiya və Təbii Sərvətlər Nazirliyi Milli Hidrometeorologiya Departamentindən Trend-ə bildiriblər ki, sentyabrın 2-də Bakı və Abşeron yarımadasında havanın dəyişkən buludlu, yağmursuz keçəcəyi gözlənilir. Gecə və səhər yarımadanın bəzi yerlərində qısamüddətli yağış yağacağı ehtimalı var.
Bakıda gecə 21-23, gündüz 24-26 dərəcə isti, Abşeron yarımadasında temperatur gecə 19-24, gündüz 24-28 dərəcə isti olacaq.
Azərbaycanın rayonlarında sentyabrın 2-də bəzi yerlərdə şimşək çaxacağı, qısamüddətli yağış yağacağı gözlənilir.
Temperatur gecə 17-22, gündüz 28-33 dərəcə isti olacaq.
Aran rayonlarında gecə və axşam bəzi yerlərdə şimşək çaxacağı, qısamüddətli yağış yağacağı ehtimalı var.
Temperatur gecə 20-25, gündüz 30-35 dərəcə isti olacaq.
Mənbə:Milli.az