"Apple" korporasiyası bərk materialların emalı texnologiyasını patentləyib. Onların köməkliyi ilə yığcam texnikanın (məsələn, noutbuk) detallarının hissələrini elastik hazırlamaq olar. Müvafiq patent ərizəsi ABŞ-ın Ticarət markaları və patentlər üzrə bürosunun rəsmi saytında yerləşdirilib.
Milli.Az ictnews.az-a istinadən bildirir ki, yeni texnologiya "Interlocking flexible segments formed from a rigid material" adlanır. Amerika şirkəti bərk materiallar dedikdə metal, ərinti və plastmas nəzərdə tutur.
"Apple" sözügedən ərizəni 2013-cü ilin fevralın ortalarında ABŞ-ın Ticarət markaları və patentlər üzrə bürosuna göndərib. Cümə axşamı büro ərizə ilə bağlı müsbət qərar verib.
Mənbə: Milli.Az