Sabah paytaxt Bakıda qısamüddətli yağış yağacaq. Bu barədə Trend-ə Ekologiya və Təbii Sərvətlər Nazirliyinin Milli Hidrometeorologiya Departamentindən məlumat verilib.
Məlumata görə, avqustun 21-də Bakı və Abşeron yarımadasında hava şəraiti dəyişkən buludlu olacaq, arabir tutulacaq, gecəyə doğru Abşeron yarımadasının bəzi yerlərində qısamüddətli az yağış yağacağı proqnozlaşdırılır, şimal-şərq küləyi əsəcək.
Bakı və Abşeron yarımadasında avqustun 21-də havanın temperaturu gecə 19-24, gündüz 26-31 dərəcə isti olacaq.
Azərbaycanın bəzi rayonlarında avqustun 21-də şimşək çaxacaq, yağış yağacaq, qərb küləyi əsəcək. Temperaturu gecə 18-23, gündüz 31-36, dağlarda gecə 9-14, gündüz 20-25 dərəcə isti olacaq.
Mənbə: Milli.Az