Rezidenturaya hazırlaşan namizədlər üçün sınaq imtahanları keçiriləcək. Tələbə Qəbulu üzrə Dövlət Komissiyasından (TQDK) Lent.az-a verilən məlumata görə, TDQK rezidenturaya hazırlaşan namizədlərə kömək məqsədilə 17 avqust baza fənləri üzrə və 18 avqust isə ixtisas fənləri üzrə sınaq imtahanları keçirəcək. İmtahanda iştirak etmək istəyən namizədlər avqustun 6-dan 15-dək internet vasitəsi ilə qeydiyyatdan keçməlidirlər. Sınaq imtahanları Bakıda keçiriləcək.
Qeyd edək ki, qeydiyyatdan keçmək üçün 2 ədəd TQDK-nın virtual ödəmə kartı tələb olunur. Ödəmə kartlarını elektron xidmətlər portalında göstərilən internet ünvanlarından əldə etmək olar. Sınaq imtahanına gələrkən namizədlər özləri ilə şəxsiyyət vəsiqəsi və imtahana buraxılış vərəqəsi gətirməlidirlər.
Mənbə: Lent.az