Apple şirkəti Passif Semiconductor mikroçip istehsalçısını satın alır. Bu barədə şirkətin rəsmi nümayəndəsinə istinadən Bloomberg nəşri yazıb.
Milli.Az ICTnews-a istinadən bildirir ki, aşağı enerji sərfiyyatlı yığcam simsiz qəbuledici-ötürücü istehsalçısı Passif Semiconductor son illər ərzində Apple tərəfindən satın alınmış ilk belə şirkət deyil. Belə ki, 2008-ci ildə Apple enerjiyə qənaətcil çip istehsalçısı P.A Semi Inc., 2010-cu ildə isə Intrinsity şirkətini satın alıb.
Amerika şirkəti hələ oktyabrda mikroçip istehsalı istiqamətini inkişaf etdirmək niyyətini açıqlamışdı. Şirkət Mac fərdi kompüterlərində tətbiq edilən Intel prosessorları iPhone və iPad qurğularında tətbiq edilən çiplərlə əvəz etməyi nəzərdən keçirir.
Mənbə: Milli.Az