Əfqanıstan paytaxtının yaxınlığındakı dağlıq ərazidə baş vermiş daşqın nəticəsində onlarla insan ölüb.
APA-nın “İTAR-TASS”a istinadən verdiyi xəbərə görə, ölənlərin dəqiq sayını hələlik müəyyən etmək mümkün deyil, çünki çoxlu sayda itkin düşənlərin olduğu bildirilir. Kabilin şərqindəki Surobi rayonunda suyun səviyyəsinin kəskin artması səbəbindən yerli xəstəxana da daxil olmaqla çox sayda evlər uçub. Qeyd olunan rayonda bir neçə çay axdığından burada daşqınlar mütəmadi baş verir.
Mənbə: APA