“Yuventus”un hücumçusu Kristiano Ronaldu XXI əsrin ən yaxşı futbolçusu seçilib.
Qadin.Net bildirir ki, “Championat.ru” xəbər verir ki, müvafiq sorğunu “Globe Soccer” keçirib.
Səsvermədə Ronaldu 38% səs toplayıb. Onu 24% faiz səslə “Barselona”nın hücumçusu Lionel Messi izləyib. Üçüncü yerdə isə “Liverpul”un misirli forvardı Mohamed Salah qərarlaşıb – 23%.
Eks “Barselona”lı Ronaldinyo 14% səs toplayıb və dördüncü olub.
2020-ci ilin ən yaxşı futbolçusu adını “Bavariya”nın polşalı hücumçusu Robert Levandovski, ən yaxşı məşqçisi ünvanını isə münhenlilərin çalışdırıcısı Hans Diter Flik qazanıb.
Əsrin ən yaxşı baş məşqçisi Xosep Qvardiola olub.