ABŞ-da bir həftə ərzində uşaqlar arasında rekord sayda koronavirus infeksiyasına yoluxma qeydə alınıb.
TASS bu barədə ABŞ Pediatriya Akademiyasının məlumatına istinadla xəbər yayır.
Bildirilir ki, 10-17 dekabr tarixlərində ABŞ-da 182 018 uşaqda koronavirus infeksiyası təsdiqlənib.
Bu rəqəm pandemiyanın başlanğıcından bəri rekord göstəricidir.
Eyni zamanda, iki həftə ərzində infeksiya sayında artım 25 % olub. Ümumilikdə, ABŞ Pediatriya Akademiyasına görə, infeksiya bu günə qədər ABŞ-da 1,8 milyondan çox uşaqda aşkar edilib (ümumi yoluxma sayının təxminən 12,3 %-i).
Qeyd edək ki, ABŞ dünyada koronavirusa yoluxma (18 473 716 nəfər) və ölüm sayına (326 772) görə ölkələr arasında birinci yerdədir.