30 ildən sonra əzəli Qarabağ torpaqlarına yenidən döndük.
Qadin.Net bildirir ki, Baku TV-nin əməkdaşları Qubadlı rayonunun Xanlıq və Xəndək kəndlərində olub.
Vaxtilə dillər əzbəri olan rayonun Xanlıq və Xəndək kəndləri, sadəcə, quru torpaqla əhatələnib. Solmuş, kökləri kəsilmiş ağaclar isə 30 ilə yaxın insana nə çəkdiklərini izah etməyə çalışırlar. Amma artıq torpaqların sahibi vətənindədir.
Həkəri çayının sahilində, Qubadlının dağətəyi kəndlərindən olan Xanlıq və Xəndək kəndləri vaxtilə toxuculuq sənəti ilə məşhur olub. Burada toxunan xalçalar Avropa bazarlarında satışa çıxarılan xalçaların ən yaxşıları hesab edilib.
Qubadlı tütünçülük, toxuculuq və heyvandarlıq sahəsində inkişaf etmiş rayonlardan olub.