“Torpaqlarımız işğal altında olan zaman ədliyyə orqanları, məhkəmələr fəaliyyətini davam etdirirdi. Həmin torpaqlar işğaldan azad olunub və böyük bir qayıdışın başlanğıcı olan dövrdə də ədliyyə orqanlarının fəaliyyətinin əlaqələndirməsi işləri baş tutacaq”.
Bunu Ədliyyə Nazirliyinin Qarabağ Regional Ədliyyə İdarəsinin rəisi Sübhi Kazımov qurumun “Facebook” səhifəsində canlı yayımda deyib.
Onun sözlərinə görə, Qarabağ Regional Ədliyyə İdarəsinin yaradılması ilə quruma mühüm tapşırıqlar verilib:
“İşğaldan azad olunan torpaqların komendantlarının hər biri ilə əlaqə saxlanılıb”.
S.Kazımov qeyd edib ki, Ədliyyə Nazirliyi ermənilərin dinc əhalimizə qarşı yönələn hücumları və ekoloji terrorla bağlı beynəlxlaq təşkilatlara müraciət edib.