“Smartfonların istifadəsi yaddaşa mənfi təsir edir, onun funksiyasını azaldır. Lakin bu müddət bərpa edilə bilər”.
Qadin.Net publika.az-a istinadən xəbər verir ki, bu barədə rusiyalı terapevt Olesya Nabokova danışıb.
“Telefonda fotoşəkil çəkmək, mobil cihazlarda işləmək, naviqasiyadan istifadə etmək və internetdə davamlı xəbər oxumaq yaddaşda problemlər yaradır. Araşdırmalar göstərir ki, məlumatların sərbəst əldə edilməsi xatırlama qabiliyyətini pisləşdirir. Smartfonlardan aktiv istifadə edən uşaqlarda işıq və səs siqnallarına reaksiya pisləşir, yazı səhvləri artır. Bundan əlavə, iş qabiliyyəti azalır, diqqət və semantik yaddaş zəifləyir.
Yaddaş zəifliyini gündəlik təlimlə bərpa etmək mümkündür. Bir aylıq məşqlər yaddaşı 30% yaxşılaşdırır. Təlimlərə şifahi sayma, tərs qaydada sayma, həmçinin rəqəmlər və söz məsələləri daxildir”, - həkim qeyd edib.