ÜST-ün fövqəladə hallar proqramının direktoru Maykl Rayan hazırda koronavirus infeksiyasının qida yolu ilə ötürülməsi barədə heç bir dəlil olmadığını söyləyib.
Qadin.Net publika.az-a istinadən xəbər verir ki, bu barədə o, Cenevrədə keçirilən brifinqdə danışıb.
“Qida zəncirinin virusun ötürülməsində iştirak etdiyinə dair heç bir sübut yoxdur”, - Rayan bildirib.
Eyni zamanda, ÜST-ün Təcili Xəstəliklər Birliyinin texniki qrupunun rəhbəri Maria Van Kerkxovenin qeyd edib ki, Braziliyadan Çinə gətirilən toyuq qanadlarının paketində infeksiya paketlərdə qala bilər.
“Anladığımız qədər, Çin paketləri sınaqdan keçirdi. Bir neçə yüz nümunə sınaqdan keçirildi, onlardan yalnız 10-u müsbət nəticə göstərdi. Həqiqətən virus bir müddət səthlərdə qala bilər. Lakin virus qida içərisindədirsə, bişirərkən digər viruslar kimi məhv edilə bilər “, - ÜST nümayəndəsi açıqlamasında vurğulayıb