ABŞ-da yeni tip koronavirusun (COVID-19) fəsadlarının aradan qaldırılması məqsədilə yaradılmış yardım fondundan kredit götürərək lüks avtomobil alan şəxs saxlanılıb.
Qadin.Net bildirir ki, bu barədə “HaberGlobal” məlumat yayıb.
29 yaşlı David T.Hayns COVID-19-a görə işdən çıxarmaların qarşısını almaq məqsədilə verilən kredit yardımından şirkətləri üçün 3.9 milyon dollar əldə edib. D.T.Hayns müraciətində şirkətində 70 nəfərin çalışdığını bildirib. Krediti əldə etdikdən bir neçə gün sonra isə 318 min dollar dəyərindəki “2020 Lamborghini Huracan” avtomobilini alıb.
Sözügedən şəxs məhkəmə tərəfindən təqsirli bilinəcəyi halda 70 ilə qədər müddətə həbs edilə bilər.