Rusiyada koronavirus infeksiyası əleyhinə peyvəndin ilk növbədə risk altında olan, həmçinin böyük qruplarda işləyən və yaşayan insanlara vurulması nəzərdə tutulub.
Qadin.Net Rusiya mətbuatına istinadən xəbər verir ki, bu barədə Qamaleya adına Milli Araşdırma Mərkəzinin rəhbəri Aleksandr Qinzburq məlumat verib. O, belə bir qərarın Rusiya Səhiyyə Nazirliyi tərəfindən verildiyini bildirib:
“Əgər məndən soruşsanız, düşünürəm ki, ilk növbədə müəllimlərə, sonra təqaüdçülərə və mümkünsə bütün mütəşəkkil dəstələrə: böyük tikinti sahələrində çalışan, kazarmalarda, yataqxanalarda yaşayan insanlara vurmaq lazımdır”.
Ekspert hesab edir ki, peyvənd etməzdən əvvəl xəstə terapevtlə məsləhətləşməlidir, çünki xroniki xəstəliklərə əks təsir edə bilər.
Qinzburq bundan əvvəl bildirmişdi ki, böyüklər üçün koronavirus peyvəndinin sınaqları başa çatdıqdan və yalnız müsbət nəticə verdikdən sonra uşaqlar üzərində sınaqdan keçirilə bilər.