Tanınmış aktyor Selçuk Yöntemin aktrisa Tuvana Turkayla eşq yaşadığı iddia edilib.
Qadin.Net türkiyə mətbuatına istinadən xəbər verir ki, 29 yaşlı kino ulduzu dünən 67 yaşı tamam olan sənətçini instaqramda doğum günü münasibətilə təbrik edib. Aktyorla səmimi fotosunu paylaşan ulduz duyğusal təbrik yazıb:
“Sənin həyat sinfində təkrara düşməliyəm. Təkrar-təkrar oxumalıyam bütün qəlbindən keçənləri. Heç əylənmirəm kimi görünən bir yol olmalısan sən, hər cümlənlə ətrafını çiçəkləndirdiyin. Heç bir cümləmizin hissimizin boşluğa düşmədiyi, gülüşümüzün əksilmədiyini, gözəl günlərə, neçə illərə”.
Aktrisanın paylaşımı qısa müddətdə diqqət çəkib, bir çoxları onun paylaşımını sevgi etirafı kimi qəbul edib. Lakin Tuvana daha sonra paylaşımını silmək qərarına gəlib. Doğum günü təbriklərinə görə, hər kəsə təşəkkür edən aktyor Tuvananın paylaşımı barədə heç bir fikir bildirməyib.
Dünən axşam doğum gününü dostları ilə qeyd edən Selçuk Yöntem müxbirlərin Tuvana ilə bağlı verdiyi suallara cavab verməkdən imtina edib. Məlum olub ki, Selçuk Yöntem 33 ildir keçmiş balerina Cihan Yöntemlə evlidir. Ailəsini mediadan uzaq tutmağa çalışsa da Tuvana Turkayın paylaşımı sayəsində aktyorun nəinki evli, hətta Iraz adlı qızı da olduğu məlum oldu.
