Ötən ay Rusiyanın məşhur pop müğənnisi Polina Qaqarinanın fotoqraf həyat yoldaşı Dmitri İshakovdan boşandığı barədə məlumatlar yayılsa da, cütlük bununla bağlı rəsmi heç bir açıqlama verməyib.
Qadin.Net oxu.az-a istinadən xəbər verir ki, uzun sürən sükutu ulduzun keçmiş əri Dmitri “Instagram”da status yazaraq pozub:
“Biz artıq bir yerdə yaşamırıq. Normal münasibət saxlayıb, məhəbbətlə övladlarımıza qayğı göstərməyə davam edirik. Bu qədər...”
Qeyd edək ki, onlar altı il birgə yaşadıqdan sonra ayrılmaq qərarına gəliblər. Bu ilin yanvar ayından ayrı yaşayan Polina və Dmitri boşanmaq üçün məhkəməyə müraciət ediblər.
Xatırladaq ki, cütlük 2014-cü ildə ailə qurub. Onların Miya adlı qız, Andrey adlı oğul övladları var.
