Sonuncu dəfə “Ufak Tefek Cinayetler” serialında rol alan aktrisa Aslıhan Gürbüz səhhətindən dolayı İstanbulu tərk etmişdi.
Qadin.net publika.az-a istinadən xəbər verir ki, dörd dəfə əməliyyat olunan kino ulduzu müalicəsini tamamlayıb. Təbiət qoynunda yeni həyata başlayan məşhur pərəstişkarlarının “Harada yaşayırsınız” sualına belə cavab verib:
“Bir suyun kənarında, bir ağacın altında, bir meşədə və ya xarabalığa yaxın bir adada: bu ölkənin bir küncündə, bir çoxunun hər gün keçdiyi amma görmədiyi və qiymətləndirmədiyi bir genişlik, uzunluq içində yaşayıram.
Yaşıl-mavi suyu və səmanı, ağacı-çiçəyi, quşu-yosunu görməyi sevirəm. Oyananda qarşı tərəfdəki evi yox, bir ağacı, evdən çıxdığım zaman alış-veriş mərkəzinə deyil, yola baxmağı sevirəm. Deməli, təbiəti sevirəm, harada olmağından asılı olmayaraq, görürsənsə və sevirsənsə, cənnətdəsən. Bu ölkənin cənnət kimi bir küncündən hər kəsə salamlar”.
