Almaniyalı aktrisa, teleaparıcı və sabiq supermodel Heydi Klum özünütəcrid rejimində vaxtını necə keçirdiyini pərəstişkarlarına nümayiş etdirib. Bununla bağlı foto onun “Instagram” hesabında paylaşılıb.
Fotoda sabiq modelin cazibədar görünüşündən əlavə, stilist Lorenzo Martinin geyimi də diqqət çəkib.
Belə ki, bərbər maska, əlcək və eynəkdən ibarət qara müdafiə geyimindən savayı, qarnına çətirə bənzər konstruksiya da bərkidib.
“Əzizim, biz bunu etməyin yolunu tapdıq! Sosial məsafə rejimində sarışınlaşmaq”, - deyə H.Klum yazıb
Pərəstişkarları məşhur aktrisanın bu fotosunu çox bəyəniblər.
Onlar paylaşımın altından “Özünə əmin qadın”, “Hər zamankı kimi çox cazibədarsan, biz səni sevirik”, “Möhtəşəmdir”, “Ecazkar qadın” kimi şərhlər paylaşıblar.
