Məşhur ulduz Meqan Foks ilə Brayn Austin Qrinin ayrılması haqda yayılan xəbərlər hələ də dünya mediasının gündəmindədir.
Qadin.Net axşam.az-a istinadən xəbər verir ki, karantin günlərini ərindən ayrı keçirən Foksun indi də “Machine Gun Kelly” ləqəbi ilə tanınan repçi Kolson Beyker ilə münasibətdə olduğu deyilir.
Bir neçə gün əvvəl aktrisa Kolsonla birlikdə onun evinin yaxınlığında avtomobildə görüntülənmişdi.
Sosial şəbəkələrdə arvadının şəkillərini görən Brayan bu məsələyə belə münasibət bildirib:
“Kəpənəklər üçün gec, ya tez eyni çiçəkdə oturmaq cansıxıcı olur. Onlar boğulmağa başlayırlar. Böyük və kəşfedilməmiş dünyanı öyrənmək istəyirlər."
Aktyor ötən gün verdiyi açıqlamada isə ayrılıq qərarı aldıqlarını təsdiq edib.
Qeyd edək ki, bir neçə həftə əvvəl paparatsilərin hədəfinə tuş gələn Brayn barmağında nişan üzüyünün olmaması ilə diqqət çəkmişdi. 2010-cu ildə ailə həyatı quran cütlüyün 3 övladı var.