Dünyanı qorxu kimi bürüyən koronavirus Yer kürəsində bir çox şeyi dəyişdi. Cənub qütbündə ozon təbəqəsindəki çatlaqların yoxa çıxması belə pandemiya ilə əlaqələndirilir.
Qadin.Net publika.az-a istinadən xəbər verir ki, bu dəfə elm adamlarını başqa hadisə təəccübləndirib.
Avropa Kosmik Agentliyi tərəfindən çəkilən görüntülərdə Şimal qütbündə də eyni mənzərəyə rast gəlinib. Mütəxəssislər bildirir ki, Cənub qütbündən fərqli olaraq, Şimalda ilk dəfə ozon təbəqəsinin çatlaqları bağlanıb.
Elm adamlarının təəccübləndiyi məqam isə Şimal qütbü üzərində bu böyüklükdə ozon dəliyinin daha əvvəl heç yaranmamasıdır.
Şimalda nə baş verir?
Ozon dəliyinin bu qədər böyük olmasının başlıca səbəbi olaraq qütb bölgəsindəki normadan aşağı istilik göstərilir. Elm adamlarının fikrincə, güclü küləklər Şimal qütbündə yaranan “qütb girdabı”ının içində soyuq havanı saxlayır və istiliyin aşağı düşməsini təmin edir. Bu da ozon təbəqəsinin incəlməsinə səbəb olur və dəliyə yol açır.
