Amerikalı elm adamları laboratoriya şəraitində COVID 19 virusunu blok edən suni virus kəşf edib.
Qadin.Net publika.az-a istinadən xəbər verir ki, mütəxəssislər bu tapıntının koronavirusa qarşı peyvənd kimi istifadə edilə biləcəyini bildirir.
Araşdırmaçılar itlərin orqanizmində olan, lakin insanlara zərəri toxunmayan təbii parainfluenza 5 (PIV 5) əsaslı infeksiyadan istifadə edib. PIV 5-ə yoluxan hüceyrələrə koonavirusun “tikanlarının” oxşarı olan S-qlikoprotein ifraz edən genom əlavə edərək yeni modifikasiya əldə olunub. Tapıntının testləri MARS infeksiyası daşıyan siçanlar üzərində aparılsa da, mütəxəssislər bu metodun SARS-CoV-2-də də effektiv olacağını düşünür.
Doktor Paul Makkari hesab edir ki, COVID 19-a yol açan koronavirusa qarşı effektiv peyvənd tapmaq an məsələsidir.