Polşanın qılıncoynatma üzrə baş məşqçisi Stanislav Şimanski koronavirusa qalib gəlib.
Qadin.Net oxu.az-a istinadən xəbər verir ki, avqustda 72 yaşını qeyd edəcək polşalı məşqçi Qdanskda müalicə olunduğu hərbi-dəniz hospitalından evə buraxılıb.
Qeyd edək ki, Stanislav Şimanski və komandası ABŞ-ın Anahaym şəhərində keçirilməli olan Olimpiya təsnifat turniri üçün martın 10-da okeanın o biri tayına yola düşmüşdü. Lakin iki gün sonra Polşa İdman Nazirliyinin sərhədlərin bağlanacağı barədə xəbərdarlığını aldıqdan sonra komanda geri qayıtmışdı.
Martın 16-da Şimanski qızdırma və təngnəfəslik simptomları ilə üzləşmiş, martın 21-də onun verdiyi koronavirus testinin nəticəsi müsbət çıxmışdı