Cənubi Koreyanın paytaxtı Seulda qoyun kafedə yuyulub təmizlənən quzu qısa müddət ərzində böyük marağa səbəb olub.
Qadin.Net bildirir ki, Milli.Az xəbər verir ki, Seulda 2011-ci ildən bəri fəaliyyət göstərən ''Thanks nature cafe''yə heyvansevər insanlar üz tuturlar. Müştərilər bu kafedə çay, qəhvə, meyvə şirələri və şirniyyatların dadına baxa bilirlər. Kafedə gəzinən qoyun və quzular isə məkana xüsusi maraq qatırlar. Kafedə bəslənən quzulardan birinin yuyulub, təmizlənməsi və qurudulması sosial media hesabında yayımlanıb.
Belə ki, fotoları yayımlanan quzu qısa müddət ərzində fenomenə çevrilib.
Qeyd edək ki, heyvanların bəsləndiyi kafelər uzaq şərq ölkələrində çox məşhurdur. Evlərində heyvan bəsləyə bilməyən insanlar bu kafelərə üz tutaraq heyvanları bəsləyə bilirlər.