ABŞ-da yayımlanan “The Biggest Loser” arıqlama şousunun iştirakçısı Teri Aqiyar proqramın epizodlarından birinin çəkilişi zamanı ayağını sındırıb.
Qadin.Net bildirir ki, bu barədə kadrları “Yahoo Entertainment” paylaşıb.
Təcili yardım işçisi və “Miss Missouri 1999” titulunun sahibi olan qadın iştirakçı bataqlıqdan keçməli olub. Oraya girən Aqiyar tarazlığını itirərək yıxılıb və ayağını zədələyib
Həkimlərin müayinəsindən sonra Aqiyara ayaq sümüyünün sınığı diaqnozunu qoyublar.
Travmaya baxmayaraq, qadın mübarizəni davam etdirmək qərarına gəlib. Onun bu qərarı komandasının taleyini həll edib. Belə ki, verilişin sonunda itirilmiş çəki sayılıb, nəticədə onun iştirakı hesabına komandası oyundan kənarlaşdırılmayıb.
