Məşhur amerikalı aktyor Uill Smit həyat yoldaşı Cada Pinket mərhum repçi Tupak Şakurla olan münasibətini qısqandığını etiraf edib.
Qadin.Net axşam.az -a istinadən xəbər verir ki, bu barədə radio verilişlərinin birində söhbət açan Uill, Tupakla heç vaxt bu mövzuda danışmadığını bildirib:
“Onlar uşaqlıqdan birlikdə böyümüşdülər və biri-birilərini sevirdilər. Heç aralarında cinsi münasibət də olmamışdı. Mən Şakurla bir neçə dəfə otaqda tək qalmışdım, lakin nə o, nə də mən bu barədə söhbət açmamışdıq. Cada həmişə, bizim onunla oxşar xüsusiyyətlərimiz var deyirdi. O sözləri eşidəndə çox qısqanırdım. Özümlə bacara bilmirdim. O vaxtlar mən, Filadelfiyadan adi bir repçi, o isə Tupak idi. Bunu qəbul edə bilmək üçün kifayət qədər cəsarətli deyildim”