Dünya gözəli, Hollivud və Bollivud aktrisası Aişvaria Rainin adı qalmaqalda hallanır.
Qadin.Net nenow.in saytına istinadən xəbər verir ki, Mangalordan gəlmiş 31 yaşlı Sangeeth Kumar Aişvariya Rainin ilk övladı olduğunu iddia edir.
Məşhur Bachchan ailəsinin tək gəlini olan Aişvariya Rainin ilk və tək övladı 2011-ci il noyabrın 16-sında doğulan Aaradhya Bachchan olduğu məlumdur. Lakin gənc iddia edir ki, Aişvariya Rai onu 1988-ci ildə Londonda dünyaya gətirib və iki yaşına kimi nənə-babasının (Brinda Rai və Krishnaraj Rai) evində yaşayıb. Sangeeth Kumarın iki yaşı tamam olanda atası Vadivelu Reddy onu Vishakpatnama aparır. O gündən anası-Aişvariya Rai ilə əlaqəsinin kəsildiyini qeyd edir. Əgər gəncin dediklərinə inansaq, onda belə çıxır ki, Aişvaria Rai oğlanı 14 yaşında dünyaya gətirib. Aktrisa bu barədə hələ heç bir açıqlama verməyib.
Qeyd edək ki, Aişvariya Rai 1973-cü ilin noyabrın 1 -də doğulub.
Qadin.Net