“Forbes” jurnalının versiyasına görə, dünyanın ən varlı qadın müğənnisi seçilən Beyons “On the Run II Tour” konsert turu ərzində geyindiyi libasları ilə diqqət mərkəzindədir.
Qadin.Net publika.az -a istinadən xəbər verir ki, dünya ulduzunun əri Cey-Zi ilə çıxdığı dünya turu keçən həftə başa çatıb. Beyons 39 şəhərdə 48 konsert proqramı ilə çıxış edərək ən çox tamaşaçı toplayan müğənnilərdən biri kimi pop musiqisinin tarixinə düşüb. Tamaşaçıların qəlbini ifaçının sadəcə təkrarolunmaz ifaları və coşqun rəqsləri deyil, həm də bədən quruluşunu vurğulayan parlaq səhnə kostyumları sözün əsl mənasında fəth edib.
Pop-divanın səhnə kostyumları üzərində dünyanın ən yaxşı dizaynerləri çalışıb. Ulduzun milyon dollarlıq kostyumları bahalı kristallar və daş-qaşla işlənib.
Tur zamanı ulduzla “Givenchy” moda evinin kreativ direktoru Kler Ueyt Keller, dizayneri Piter Dundas, Vivyen Vestvud, “Balmain” brendinin modelyeri Olivye Rusten, həmçinin “Roberto Cavalli”, “Versace”, “Gucci”, “Mugler” moda evlərinin komandaları və başqaları çalışıb.
XƏBƏR LENTİ
- ŞƏRHLƏR